Median.Az xəbər verir ki, Biləsuvar RPŞ-nə müraciət edən Xırmandalı kənd sakini B.Xankişiyev, bu il avqustun 10-da Ağalıkənd kəndinin ərazisindəki fermadan 5 baş qoyununun oğurlanmasını bildirib.
Keçirilmiş əməliyyat-axtarış tədbirləri nəticəsində rayon sakinləri X.Cəfərov və İ.Şahbazov saxlanılıblar. Araşdırma zamanı, onların vətəndaş İ.Nuraliyevə və D.Cəfərova məxsus
15 baş qoyunu oğurlamaları məlum olub.
Bundan başqa, Qəbələ RPŞ əməkdaşlarının keçirdikləri əməliyyat-axtarış tədbirləri nəticəsində oktyabrın 23-də E.Əzizova, İ.Zülfüqarova və R.Abdullayevə məxsus həyətyanı sahələrdən ümumilikdə, 4 baş qoyun oğurlayan rayon sakinləri Q.Əfəndiyev və F.Əhmədov saxlanılıblar.
Faktlarla bağlı CM-nin 177.2.2-ci (oğurluq, təkrar törədildikdə) maddəsi ilə cinayət işləri başlanılıb.