Azərbaycan güləşçisi hərbçilərin Dünya Oyunlarında ermənini yenib medal qazandı - YENİLƏNİB » Median.Az - Bütün xəbərlər bir ünvanda


Azərbaycan güləşçisi hərbçilərin Dünya Oyunlarında ermənini yenib medal qazandı - YENİLƏNİB
Çinin Uhan şəhərində hərbçi idmançılar arasında keçirilən VII Dünya Oyunlarında Azərbaycan bu gün üçüncü medalını qazanıb.

Mikayıl Rəhmanov (-67 kq) bürünc medal uğrunda görüşdə gənclər arasında son dünya çempionatının gümüş medalçısı Şant Xaçatryanla üz-üzə gəlib.

Yunan-Roma güləşi üzrə idmançımız Ermənistan idmançısıyla prinsipial görüşdən 5:0 hesabıyla qalib ayrılaraq Dünya Oyunlarında III yeri tutub.

Qeyd edək ki, daha iki yunan-Roma güləşçimiz – Həsən Əliyevlə (-77 kq) Rafiq Hüseynov (-87 kq) sabah döşək üzərinə çıxacaq.

* * * * *

Çinin Uhan şəhərində hərbçi idmançılar arasında keçirilən VII Dünya Oyunlarında Azərbaycan bu gün üçüncü medalını qazana bilər.


Bu gün yarışlarda yunan-Roma güləşi üzrə mübarizəyə start verilib.

60 kq-da Murad Bazarov italiyalı Yakopo Sandronu 4:1 hesabı ilə məğlub etsə də, 1/4 finalda hindistanlı Qyanenderə 2:5 hesabı ilə uduzub. Lakin Qyanender yarımfinalda rusiyalı rəqibinə uduzduğundan, Bazarovun da medal qazanmaq şansları itib.

Mikayıl Rəhmanov (-67 kq) isə Azərbaycanın aktivinə üçüncü medalı qazandıra bilər. O, 1/8 finalda suriyalı Əbdülkərim Əlhəsənə (rəqib yarışdan kənarlaşdırılıb), 1/4 finalda Fransa təmsilçisi Mamadassa Sillaya (8:0) qalib gəlib.

Lakin Mikayıl yarımfinalda dünya və ikiqat Avropa çempionu, I Avropa Oyunlarının qalibi olmuş rusiyalı Artyom Surkova 1:3 hesabı ilə uduzub. Vaxtilə yeniyetmələr arasında dünya çempionu olmuş idmançımız axşam seansında bürünc medal görüşünə qatılacaq.

Qeyd edək ki, Azərbaycan bugünədək iki medal qazanıb. Cüdoçularımız Hidayət Heydərovla (-81 kq) və Məmmədəli Mehdiyev (-90 kq) Azərbaycanın aktivinə iki bürünc medal yazdırıb. Bu nəticə ilə medal sıralamasında Azərbaycan XXXIV yerdə qərarlaşıb.
/oxu.az/скачать dle 11.3





Şahidi olduğunuz hadisələri çəkib bizə göndərin!




          410 23.10.19 14:56