Qax-Zaqatala avtomobil yolunda baş verən yol qəzasında “Hyundai” markalı 99 HV 848 dövlət nömrə nişanlı yük maşınında sıxılmış vəziyyətdə qalan sürücü, 1987-ci il təvəllüdlü Sumqayıt şəhər sakini Ceyhun Xanəli oğlu Zeynalov xilasedicilər tərəfindən çıxarılaraq aidiyyəti üzrə hadisə yerinə çağırılmış Təcili Yardım briqadasına təhvil verilib.
Median.Az-ın APA-ya istinadən məlumatına görə, C.Zeynalov Qax Rayon Mərkəzi Xəstəxanasının Cərrahiyyə şöbəsinə yerləşdirilib, ona sol bud sümüyünün sınığı dioqnozu qoyulub.
Faktla bağlı Qax Rayon Polis Şöbəsində araşdırma aparılır.
***
Qax rayonunda zəncirvari yol qəzası baş verib.
Median.Az-ın report-a istinadən məlumatına görə, hadisə bu gün axşam saatlarında Qax-Zaqatala avtomobil yolunun rayonun Süskənd kəndi ərazisindən keçən hissəsində qeydə alınıb.
Belə ki, 5 minik avtomobili və 2 yük maşını toqquşub. Qəza zamanı yük avtomobillərindən birinin sürücüsü, 31 yaşlı Ceyhun Xanəli oğlu Zeynalov xəsarət alıb. Yaralı xilasedicilər tərəfindən avtomobildən çıxarılaraq Qax Rayon Mərkəzi Xəstəxanasına yerləşdirilib.
Faktla bağlı araşdırma aparılır.