Rusiyada azərbaycanlını qətlə yetirən erməni Ermənistana verilir

Rusiyada azərbaycanlının qətlinə görə 18 il həbs cəzası alan Arman Arakelyan Ermənistana ekstradisiya ediləcək.

Bu barədə A. Arakelyanın oğlu Qurgen Arakelyan bildirib.

Onun sözlərinə görə, atasının ekstradisiyası 1-2 ay çəkəcək.

Qeyd edək ki, bundan əvvəl Rusiya A.Arakelyanı Ermənistana təhvil verməyə hazır idi. Lakin Ermənistanın keçmiş Ədliyyə naziri Artak Zeynalyan bunu məqbul saymamışdı.

Xatırladaq ki, qətl hadisəsi A.Arakelyana məxsus kafedə onunla azərbaycanlı arasında yaranmış mübahisədən sonra baş verib.

Ermənistan vətəndaşı mübahisədən sonra avtomobil dayanacağında onu izləyərək qətlə yetirib.

A.Arakelyan artıq dörd ildir ki, Nurmansk həbsxanasında cəzasını çəkir.
/oxu.az/скачать dle 11.3

Şahidi olduğunuz hadisələri çəkib bizə göndərin!