Nizami rayonunda oğurluğa görə məhkum olunmuş qadınlar saxlanılıb

Median.Az xəbər verir ki, Nizami RPİ 24-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində, yanvarın 10-da paytaxt sakini olan bir qadının çantasından 400 manat və sənəd oğurlayan Şamaxı rayon sakini, əvvəllər məhkum olunmuş T.Məmmədova və Sumqayıt şəhər sakini, əvvəllər məhkum olunmuş N.Ağaməmmədova saxlanılıblar.

Nizami RPİ İstintaq şöbəsində CM-nin 177.2.1-ci (oğurluq, qabaqcadan əlbir olan bir qrup şəxs tərəfindən törədildikdə) maddəsi ilə istintaq aparılır.