“Bu gün “Neftçi” Azərbaycan çempionudur. Ötən mövsüm biz “Qarabağ”a öz meydanımızda 0:6 hesabı ilə uduzmuşduq. Amma komanda çempion oldu. Bu gün də inanırıq ki, komanda çempionatı uğurla başa vuracaq. Biz “Neftçi”ni sevirik, həmişə də onunla birgə olacağıq”.

Bunu Oxu.Az-a “Neftçi” klubunun Müşahidə Şurasının sədri, yazıçı Çingiz Abdullayev deyib.

O, Azərbaycan Premyer Liqasının IX turunun oktyabrın 30-da “Azersun Arena”da baş tutmuş görüşündə “Neftçi”nin “Qarabağ”a 0:4 hesablı darmadağınına münasibət bildirib. Onun sözlərinə görə, bu hesab komandanın sonda çempion olmasına mane olmur:

“0:4 hesabı ilə uduzmaq hələ heç nə demək deyil. “Bayern” də Almaniya Kubokunda Mönhenqladbax “Borusiya”sına 0:5 hesabı ilə uduzdu. İndi 0:4 uduzmaq da heç nəyi dəyişmir. Biz yenə də Azərbaycan çempionu sayılırıq”.

Qeyd edək ki, “Qarabağ” ötən ilin noyabrın 8-də “Neftçi”yə səfərdə 6:0 hesabı ilə qalib gəlmişdi.скачать dle 11.3