Şimali Koreya uranın zənginləşdirilməsi üçün sentrifuqaların sayını artıracaq
Bu barədə Koreya Mərkəzi Teleqraf Agentliyi məlumat yayıb.
Bildirilib ki, Şimali Koreya lideri bu göstərişi nüvə materialları istehsalı müəssisələrinə səfəri zamanı verib.
Onun sözlərinə görə, arsenalın "həndəsi silsilə ilə" artırılması vəzifəsini yerinə yetirmək üçün "dincəlməmək, əksinə sentrifuqaların sayını artırmaq", onların gücünü yüksəltmək, həmçinin "nüvə silahı üçün nüvə materiallarının istehsal bazasını" möhkəmləndirmək məqsədilə "yeni sentrifuqaların tətbiqi üzrə işi irəlilətmək" lazımdır.
