Kiyevdə səfərdə olan ABŞ dövlət katibi Antoni Blinken bildirib ki, Birləşmiş Ştatlar Ukraynaya dəstək üçün əlavə 700 milyon dollardan çox vəsait ayırır.
Median.Az xəbər verir ki, bu barədə RİA Novosti məlumat yayıb.
Blinken qeyd edib ki, 325 milyon dollar Ukraynanın enerji infrastrukturunun bərpasına yönəldiləcək. Daha 290 milyon dollar Ukrayna əhalisinə humanitar yardıma, o cümlədən dərman, ərzaq, içməli su və ilkin tələbat mallarının alınmasına ayrılacaq.
Bundan əlavə, ABŞ ərazinin minalardan təmizlənməsi üçün təxminən 102 milyon dollar ayıracaq. Ayrılan vəsaitin ümumi həcmi təqribən 717 milyon dollardır.
Həmçinin bu gün Böyük Britaniyanın xarici işlər naziri David Lammy Kiyevə səfəri zamanı Ukraynaya dəstək üçün 600 milyon funt sterlinq (782 milyon dollar) ayrıldığını açıqlayıb .
Sentyabrın 9-da İsveç Ukraynaya 4,6 milyard İsveç kronu (440 milyon dollar) dəyərində yeni yardım paketinin köçürüldüyünü elan edib, bu paketə maliyyə töhfələri, maddi ianələr və istehsal ehtiyacları üçün satınalmalar daxildir.
Şahidi olduğunuz hadisələri çəkib bizə göndərin!
Son Əlavə