“Bəxt amili”, yoxsa?.. - Lift qəzasının yeni detalları (VIDEO)
Bakıdakı yeni tikililərdən birində liftin qırılması və bu zaman şaxtada işləyən xadimənin başına düşməsi ilə bağlı xəbər sosial şəbəkədə geniş müzakirələrə səbəb olub.
Hadisənin detalları bir neçə saat sonra üzə çıxıb.
Belə ki, Bakının Nəsimi rayonu, Asif Məhərrəm küçəsi 44 ünvanındakı binalardan birində naməlum səbəblərdən liftdə nasazlıq yaranıb. Binanın komendantı Sultanməcid Əzizov lifti binanın 6-cı mərtəbəsində saxlayıb və sakinlərə təmir işlərinin getdiyini bildirib.
Binada xadimə işləyən Mahirə Yusifovaya isə şaxtanı təmizləmək tapşırılıb. Naməlum səbəblərdən 6-cı mərtəbədə olan lift qırılıb və yüksək sürətlə 37 yaşlı xadimənin üzərinə düşüb. O, hadisə yerində keçinib. Daha sonra hadisə yerinə gələn FHN əməkdaşları çətinliklə Yusifovanın cəsədini şaxtadan çıxarıblar.
Maraqlı detallar isə liftin qarşısında quraşdırılan müşahidə kameralarına əks olunan kadrlara baxan zaman üzə çıxıb.
Kadrları izləyən Yusifovanın həyat yoldaşının sözlərinə görə, arvadı və komendant 17:44-də şaxtaya girib.
“Sonra Soltan oradan çıxır. Həyat yoldaşım isə orada qalır. 17:56-da isə lift qırılır”, - o deyib.
Orada, əslində, nə baş verib? Komendantın bu hadisə zamanı bəxtinin gətirdiyi və ya əvvəlcədən hadisənin baş verəcəyindən xəbərdar olduğu araşdırmalardan sonra bəlli olacaq.
Qeyd edək ki, hazırda polis və prokurorluq əməkdaşları hadisənin istintaqı ilə məşğuldur.
Hadisənin detalları bir neçə saat sonra üzə çıxıb.
Belə ki, Bakının Nəsimi rayonu, Asif Məhərrəm küçəsi 44 ünvanındakı binalardan birində naməlum səbəblərdən liftdə nasazlıq yaranıb. Binanın komendantı Sultanməcid Əzizov lifti binanın 6-cı mərtəbəsində saxlayıb və sakinlərə təmir işlərinin getdiyini bildirib.
Binada xadimə işləyən Mahirə Yusifovaya isə şaxtanı təmizləmək tapşırılıb. Naməlum səbəblərdən 6-cı mərtəbədə olan lift qırılıb və yüksək sürətlə 37 yaşlı xadimənin üzərinə düşüb. O, hadisə yerində keçinib. Daha sonra hadisə yerinə gələn FHN əməkdaşları çətinliklə Yusifovanın cəsədini şaxtadan çıxarıblar.
Maraqlı detallar isə liftin qarşısında quraşdırılan müşahidə kameralarına əks olunan kadrlara baxan zaman üzə çıxıb.
Kadrları izləyən Yusifovanın həyat yoldaşının sözlərinə görə, arvadı və komendant 17:44-də şaxtaya girib.
“Sonra Soltan oradan çıxır. Həyat yoldaşım isə orada qalır. 17:56-da isə lift qırılır”, - o deyib.
Orada, əslində, nə baş verib? Komendantın bu hadisə zamanı bəxtinin gətirdiyi və ya əvvəlcədən hadisənin baş verəcəyindən xəbərdar olduğu araşdırmalardan sonra bəlli olacaq.
Qeyd edək ki, hazırda polis və prokurorluq əməkdaşları hadisənin istintaqı ilə məşğuldur.
