Bərdə rayonunda yol kənarında yeni doğulmuş körpə tapılıb.
“Report“un Qarabağ bürosu xəbər verir ki, yeni doğulmuş körpə rayonun Əmirli kəndi ərazisində yerli sakinlər tərəfindən aşkar olunub.
Hadisə barədə Təcili Tibbi Yardım Stansiyasına (TTYS) və polisə məlumat verilib. Körpənin atıldığı yerə gələn TTYS-nın həkimləri tərəfindən körpə Bərdə Rayon Mərkəzi Xəstəxanasına çatdırıb.
Bərdə rayon Təcili Tibbi Yardım Stansiyasının baş həkimi Adil Cəlahan məlumat verib ki, yol kənarında tapılan körpə ölüb.
Baş həkim bildirib ki, körpə yeddi aylıq doğulub və qızdır: “Aparılan müayinələrdən sonra körpənin artıq öldüyü məlum olub”.
Şahidi olduğunuz hadisələri çəkib bizə göndərin!
Son Əlavə