Müəllimlərin işə qəbulu üzrə əlavə yerləşdirmənin - NƏTİCƏLƏRİ

Azərbaycanda müəllimlərin işə qəbulu üzrə əlavə yerləşdirmənin nəticələri məlum olub.

Bu barədə Təhsil Nazirliyindən məlumat verilib.

Bildirilib ki, əlavə yerləşdirmə zamanı uğur qazanmış namizədlər sentyabrın 10-dək zəruri sənədləri (şəxsiyyəti təsdiq edən sənədin, ali və ya orta ixtisas təhsili haqqında sənəd və ona əlavənin surəti, əmək kitabçasının əsli (olduğu təqdirdə), 4 ədəd fotoşəkil, sağlamlıq haqqında arayış, kadrlar uçotunun şəxsi vərəqəsi) aidiyyəti yerli təhsili idarəetmə orqanına təqdim etməlidirlər.

Xatırladaq ki, müəllimlərin əlavə yerləşdirilməsi üzrə müsahibə mərhələsi sentyabrın 2-də keçirilib.