İlham Əliyevdən Şeyxülislama yubiley təbriki: İlklərə imza atmısınız » Median.Az - Bütün xəbərlər bir ünvanda
16:45 Şamaxıda zəlzələ olub  |     16:42 Azərbaycanda federasiya prezidenti vəfat etdi  |     16:31 Qəbələdə 17 yaşlı oğlan itkin düşüb  |     16:17 "Crocus"dakı terror aktının dəhşətli TƏFƏRRÜATI: Təkcə odlu silahdan istifadə edilməyib  |     15:57 Azərbaycanda məmur iş başında keçindi  |     15:50 Mirzoyan: "ATƏT-in Minsk qrupu sülh sazişindən sonra buraxıla bilər"  |     15:47 Aeroport şosesində QƏZA: Hadisə yerinə baxmaq istəyənlərə görə TIXAC YARANDI  |     15:20 Buraxılış imtahanında 300 bal toplayan şagird seçəcəyi universiteti AÇIQLADI  |     15:05 Yeni DƏLƏDUZLUQ: Xəbəriniz olmadan adınıza necə kredit götürürlər? - VİDEO  |     14:52 Əhali niyə kreditlərə möhtac qalır? - "Gəlirim azdır, borcum çox" (VİDEO)  |     14:49 Hərbi xidmətdən ezamiyyətə gələn gizir tanışını döyüb öldürdü  |     14:32 Goranboyda 12 yaşlı qıza küçə itləri HÜCUM ETDİ  |     14:23 İranla sərhəddə atışma: Qaçaqmalçılardan biri zərərsizlədirilib - FOTO  |     14:18 Bu ilin ilk üç ayında 13 kişi məişət zorakılığına məruz qalıb  |     14:03 ADA məktəbinin şagirdi vəfat edib  |     14:02 Papua-Yeni Qvineya sahillərində güclü zəlzələ baş verib  |     13:43 Mövqelərimiz Basarkeçər və Gorus istiqamətlərindən atəşə tutulub  |     13:36 Bakıda estetik prosedurdan sonra qadının BURNU ÇÜRÜDÜ  |     13:22 Ceyhun Bayramov Ararat Mirzoyanla görüşüb  |     23:22 Pullarımızı nağd saxlayaq, yoxsa kartda?  |    

İlham Əliyevdən Şeyxülislama yubiley təbriki: İlklərə imza atmısınız

Prezident İlham Əliyev Qafqaz müsəlmanlarının XII Şeyxülislamı və Qafqaz Müsəlmanları İdarəsinin sədri Allahşükür Paşazadənin "Heydər Əliyev" ordeni ilə təltif edilməsi haqqında sərəncam imzalayıb.

AZƏRTAC xəbər verir ki, sərəncamla Azərbaycan Respublikasında dövlət-din münasibətlərinin formalaşması, milli həmrəyliyin və mənəvi-əxlaqi dəyərlərin bərqərar olması sahəsində xüsusi xidmətlərinə görə Şeyxülislam Allahşükür Paşazadə "Heydər Əliyev" ordeni ilə təltif edilib.

Bundan başqa, İlham Əliyev Şeyxülislam Allahşükür Paşazadəyə təbrik məktubu ünvanlayıb.

Təbrikdə deyilir:

"Hörmətli Şeyx həzrətləri,

Sizi anadan olmağınızın 70, şeyxülislamlıq fəaliyyətinizin 40 illiyi münasibətilə səmimi qəlbdən təbrik edirəm.

Xalqımızın yaşamış olduğu taleyüklü hadisələr zamanı Siz həm dini rəhbər, həm də ictimai xadim kimi həmişə yüksək vətənpərvərlik və əsl vətəndaş mövqeyi nümayiş etdirmisiniz. Azərbaycan həqiqətlərinin, xüsusilə Ermənistan - Azərbaycan Dağlıq Qarabağ münaqişəsi ilə bağlı ədalətli mövqeyimizin dünya ictimaiyyətinə çatdırılması sahəsində səmərəli xidmətlər göstərmisiniz.

Siz bütün həyatınız boyu cəmiyyətdə yüksək əxlaqi dəyərlərin və milli həmrəyliyin bərqərar olması yolunda əzmlə çalışmış, xalqımızın mənəvi sərvətlərinin qorunub saxlanması istiqamətində uğurlu fəaliyyət göstərmisiniz. Şeyxülislamlıq fəaliyyətiniz dövründə bir sıra ilklərə imza atmısınız.

Xüsusilə müqəddəs kitabımız Qurani-Kərimin tərcüməsinin təşkil olunması və nəşr edilməsi, Aşura mərasimləri zamanı qanvermə aksiyalarının keçirilməsi, ölkəmizdə vəhdət namazı ənənəsinin dirçəldilməsi məhz Sizin adınızla bağlıdır. Azərbaycanda nümunəvi dövlət-din münasibətlərinin formalaşmasına verdiyiniz töhfələr də danılmazdır.

Sizin fəaliyyətinizdə təkcə Azərbaycanın deyil, həm də dini lideri olduğunuz bütün Qafqaz müsəlmanlarının problem və qayğılarının beynəlxalq ictimaiyyətə çatdırılması mühüm yer tutur. Siz daim müsəlman həmrəyliyi prinsiplərindən çıxış edərək İslam dünyasında törədilən qanlı hadisələrə öz etirazınızı bildirmiş, müqəddəs ziyarətgahların, qədim tarixi abidələrin mühafizə olunması üçün beynəlxalq təşkilatlar və böyük dövlətlər qarşısında məsələ qaldırmış, dünyada sülhə və əmin-amanlığa nail olunması istiqamətində ardıcıl fəaliyyət göstərmisiniz.

Müxtəlif konfessiyaların liderləri arasında böyük nüfuza malik şəxs kimi Siz bir çox beynəlxalq dini qurum və mərkəzlərin rəhbərliyində təmsil olunur, sivilizasiyalararası və mədəniyyətlərarası dialoqun dərinləşməsinə sanballı töhfələr verirsiniz.

Hörmətli Şeyx həzrətləri,

Bu əlamətdar gündə Sizə uzun ömür, möhkəm cansağlığı, nəcib və şərəfli fəaliyyətinizdə yeni-yeni uğurlar arzulayıram".скачать dle 11.3




Şahidi olduğunuz hadisələri çəkib bizə göndərin!




            2 840 26.08.19 12:58