Quba-Nügədi yolunun Rustov kəndi ərazisindən keçən hissəsində baş vermiş qəzada ölən və yaralananların adları bəlli olub.
Kənd ərazisində 2015-ci il təvəllüdlü Renat Mahir oğlu Orucəliyev avtomobillə vurulub.
Kənd sakini, 1992-ci il təvəllüdlü Emin Səfərəli oğlu Əzizov azyaşlını, valideynlərini və nənəsini öz avtomobili ilə Quba Rayon Mərkəzi Xəstəxanasına apararkən avtomobili ağaca çırpılıb.
Nəticədə, üç uşaq atası olan sürücü Emin Əzizov hadisə yerində, dörd yaşlı uşaq isə xəstəxanaya çatdırılan kimi ölüb.
Səhiyyə Nazirliyindən saytımıza verilən məlumata görə, qəzada yaralanan üç nəfər Quba Mərkəzi Rayon Xəstəxanasına yerləşdirilib:
"31 yaşlı Sevil Orucəliyeva, həyat yoldaşı, 34 yaşlı Yaşar Kərimov, qayınanası 59 yaşlı Leysan Kərimova Quba Mərkəzi Rayon Xəstəxanasının travmatologiya şöbəsinə yerləşdiriliblər. Baş həkimin bildirdiyinə görə, vəziyyətləri orta ağırdır".
/oxu.az/
Şahidi olduğunuz hadisələri çəkib bizə göndərin!
Son Əlavə