Aktyor Piter Fonda 79 yaşında dünyasını dəyişib.
Bu barədə cümə günü TMZ portalı artistin ailə üzvlərinə istinadən məlumat verib.
Bildirilir ki, Fonda Cümə günü səhər saatlarında Los-Ancelesdəki evində ailə üzvlərinin əhatəsində vəfat edib. Ölüm səbəbi kimi ağciyər xərçəngi nəticəsində yaranan kəskin hava çatışmazlığı gətirilir.
Piter Fonda 23 fevral 1940-cı ildə Nyu-Yorkda (ABŞ) anadan olub. Onun hesabında onlarla film var. Rejissor Dennis Hopperin “Başısoyuq çapar” (Easy Rider, 1969) filmində oynadığı rol ona daha çox şöhrət qazandırıb. 1997-ci ildə rejissor Viktor Nunyesin “Ulinin qızılı” (Ulee' s Gold) filmində oynadığı rol ona “dramatik filmdə ən yaxşı kişi roluna görə” nominasiyasında "Qızıl Qlobus" mükafatını qazandırıb.
Şahidi olduğunuz hadisələri çəkib bizə göndərin!
Son Əlavə