Yevlax rayonunda iki nəfəri bıçaqlayan şəxs tutularaq istintaqa cəlb edilib.
Median.Az oxu.az-a istinadən xəbər verir ki, “isti izlər”lə üstü açılan hadisə iyulun 27-si təxminən gecə saat 01:30-da şəhərin Həzi Aslanov və Elbrus Məmmədov küçələrinin kəsişməsində baş verib.
Hadisə zamanı bir qrup şəxsin mübahisəsi nəticəsində iki nəfər xəsarət alıb. Polisin müdaxiləsi ilə bıçaqla hücum edən Namiq Vəliyev zərərsizləşdirilərək Polis şöbəsinə gətirilib.
Yaralılardan biri Yevlax Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə