Median.Az xəbər verir ki, DİN Kriminalistik Tədqiqatlar İdarəsi və Binəqədi RPİ 40-cı polis bölməsi əməkdaşlarının keçirdikləri əməliyyat-axtarış tədbirləri nəticəsində iyun-iyul ayları ərzində rayon ərazisindəki 4 evdən pul və qızıl əşyalar oğurlayan Cəlilabad rayon sakini olan bir yeniyetmə saxlanılıb.

Bundan başqa, Binəqədi RPİ 4-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində aprelin 13-də rayon ərazisindəki evdən 350 manat və 3 ədəd mobil telefon oğurlayan Masallı rayon sakini H.Quliyev saxlanılıb.

Sabunçu RPİ 14-cü polis bölməsi əməkdaşlarının keçirdikləri əməliyyat-axtarış tədbirləri nəticəsində iyulun 17-də Savalan yeni yaşayış sahəsindəki evdən 500 manat pul və 5000 manat dəyərində qızıl əşyaları oğurlayan Bakı şəhər sakini M.Məmmədova saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3