Sabirabad rayonunda baş verən qəzada xəsarət alanların şəxsiyyətləri məlum olub.

Median.Az-ın report-a istinadən məlumatına görə, onlar Sabirabad rayon sakinləri, 1957-ci il təvəllüdlü Kazımov Lazım Hüseyn oğlu, 2002-ci il təvəllüdlü Qədirov Səmid İlqar oğlu, 1987-ci il təvəllüdlü Vəliyev Dilqəm Oruc oğlu, Şirvan şəhər sakinəri, 2001-ci il təvəllüdlü Qarayev Ramal İlham oğlu, 2005-ci il təvəllüdlü Qədirov Rəşad Emin oğlu və 1987-ci il təvəllüdlü Baxşıyev İlkin Əli oğludur.

Dilqəm Vəliyevin vəziyyəti ağır olduğundan reanimasiya şöbəsinə yerləşdirilib, digər xəsarət alanlar ilk tibbi yardım aldıqdan sonra ambulator müalicəyə göndərilib. Faktla bağlı araşdırma aparılır.

***

Sabirabad rayonunda 6 nəfərin xəsarət alması ilə nəticələnən yol-nəqliyyat hadisəsi baş verib. “Report”un Aran bürosu xəbər verir ki, hadisə bu gün axşam saatlarında rayonun Şıxsalahlı kənd ərazisində baş verib.

İlkin məlumata görə, “Qaz-31” markalı avtomobillə “VAZ-2107” markalı avtomobilin toqquşması nəticəsində 5 nəfər xəsarət alıb. Onlardan biri, Sabirabad rayonunun Qaragüney kənd sakini, 1987-ci il təvəllüdlü Vəliyev Dilqəm Oruc oğlu ciddi xəsarət aldığından Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.
скачать dle 11.3