Median.Az xəbər verir ki, iyunun 15-i gecə saat 1 radələrində M.Hadi küçəsində, üzərində zorakılıq əlamətləri olan 20-25 yaşlı kişi meyitinin tapılması barədə Xətai RPİ 36-cı polis bölməsinə məlumat daxil olub.
Araşdırma zamanı mərhumun Bakı şəhər sakini, 18 yaşlı Mehdi Əliyev olması məlum olub.
Təxirəsalınmaz istintaq-əməliyyat tədbirləri ilə onunla həmin axşam paytaxt sakinləri K.Allahyarov, C.Hüseynov, H.İmanov və onun qardaşı M.İmanov arasında münaqişə baş verməsi və M.Əliyevin bıçaqla qətlə yetirilməsi müəyyən edilib.
Əməliyyat-axtarış tədbirləri ilə adları çəkilən şəxslər polis əməkdaşları tərəfindən saxlanılıblar.
Xətai rayon prokurorluğunda CM-nin 120.1-ci (qəsdən adam öldürmə) maddəsi ilə cinayət işi başlanılıb.
Şahidi olduğunuz hadisələri çəkib bizə göndərin!
Son Əlavə