Gəncədə zəncirvari yol-nəqliyyat hadisəsi baş verib.
APA-nın yerli bürosunun məlumatına görə, hadisə şəhərin Şah İsmayıl Xətai prospektində qeydə alınıb.
Belə ki, Rauf Allahverdiyev idarə etdiyi VAZ 21011 markalı avtomobillə hərəkətdə olarkən arxadan Siyavuş Bədəlovun idarə etdiyi KIA markalı minik maşınına çırpılıb. İkinci maşın isə Asəf Həsənovun idarə etdiyi “Mercedes” markalı minik maşınına dəyib. Qəza nəticəsində xəsarət alan olmasa da, hər üç maşına ciddi ziyan dəyib. Qəzanın avtomobillərdən birinin ara məsafəsini düzgün seçməməsi ilə bağlı olduğu ehtimal edilir. Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə