Uzun müddətdir maraqla gözlənilən "Caspian Awards" mükafatlandırma mərasimi baş tutdu. Park İnn oteldə gerçəkləşən möhtəşəm gala, ənənəvi qırmızı xalı mərasimi ilə başladı. İncəsənət xadimləri , görkəmli şəxslər, idmançılar, aktyorlar, iş adamları kimi nüfuzlu şəxslər gecədə iştirak edirdi. Xalı üzərindən keçən məhşurlar daha sonra təltif etmə mərasimində iştirak etdilər.

Caspian Awards mükafatlandırma mərasiminin keçirilməsində əsas məqsəd müxtəlif peşə sahiblərinə motivasiya vermək və bir araya toplayaraq geniş ictimaiyyətə təqdim etməkdir. Mükafatlandırma gecəsində il ərzində fərqlənən, yadda qalan və daha çox izlənilən, ictimai fəaliyyəti ilə fərqlənən şəxslər təltif edildi.

"Caspian Awards" mükafatlandırma gecəsində millət vəkili Jalə Əliyeva, xalq artisti, rejissor Vaqif Əsədov, əməkdar artisti Rəşad İlyasov, TREND İnformasiya Agentliyinin jurnalisti Vüqar İmanov, teleaparıcılar Hacı Nuran Hüseynov və Zümrüd Bədəlova, MMA döyüşçüsü Nəriman Abbasov, şou ulduzlardan Günay İbrahimli, Oksana Rəsulova, Niyam Səlami, Dilarə Kazımova, İzzət Bağırov, Qurd və başqa tanınmış şəxslər gecədə iştirak edərək mükafatlarını əldə ediblər.

"Caspian Awards" 2019 Mükafatlandırma gecəsinin aparıcı əməkdar artist Elnur Kərimov idi. Layihənin rəhbərləri: Ayaz Məmmədov və Tural Ələkbərov

скачать dle 11.3