Aygün Kazımova ölümlə hədələnib - VİDEO
Xalq artisti Aygün Kazımova ölümlə hədələnib. “Qafqazinfo” xəbər verir ki, bu barədə məşhur müğənninin köməkçisi Almaz Mustafayeva məlumat verib.
O, MTV-də yayımlanan “Üç canlı” proqramında qonaq olarkən hadisənin “Aygün bir gün” adlı solo konsertindən bir gün əvvəl baş verdiyini qeyd edib:
“Aygün Kazımovanı konsertindən əvvəl hədələmişdilər. Telefonla zəng vurub dedilər ki, sabah səhnəyə çıxsan, səni öldürəcəyik. Bir anlıq donub qaldı. Bu, solo konsertindən bir gün qabaq baş verdi. O gündən sonra çalışıram ki, Aygün xanım konsert ərəfəsində telefona yaxınlaşmasın”.
