Prokuror Bakıda Türkiyə vətəndaşını öldürməyə cəhd edən şəxsə 13,5 il cəza istədi

Bu gün Bakı Ağır Cinayətlər Məhkəməsində qəsdən adamöldürməyə cəhddə təqsirləndirilən Elxan Əliyevin cinayət işi üzrə məhkəmə iclası davam etdirilib.

Median.Az Trend-ə istinadən bildirir ki, hakim Cavid Hüseynovun sədrliyi ilə keçirilən prosesdə dövlət ittihamçısı çıxış edib.

Prokuror E.Əliyevin 13 il 6 ay azadlıqdan məhrum edilməsini istəyib.

Məhkəmənin növbəti iclası aprelin 12-nə təyin edilib.

İttihama görə, ötən il Bakının Nəsimi rayonunda 1994-cü il təvəllüdlü, Türkiyə vətəndaşı Altürk Mazlum Bülbül prospektində yerləşən restoranda azərbaycanlı dostu Elxan Əliyevə qonaqlıq verdikdən sonra onunla mübahisə edib.

Nəticədə E.Əliyev A.Mazlumu ürək nahiyəsindən bıçaqlayıb. Yaralı 1 saylı Kliniki Tibbi Mərkəzə yerləşdirilib. Onun həyatını xilas etmək mümkün olub.

Hüquq-mühafizə orqanları əməkdaşları tərəfindən saxlanılan E.Əliyevin barəsində Cinayət Məcəlləsinin 29,120.1-ci (qəsdən adamöldürməyə cəhd) maddəsi ilə ittiham irəli sürülüb və həbs qətimkan tədbiri seçilib.скачать dle 11.3

Şahidi olduğunuz hadisələri çəkib bizə göndərin!