Xəzər rayonu Şüvəlan qəsəbəsində yerləşən, məcburi köçkünlərin məskunlaşdığı “Ət-süd” və “Maşınqayırma” pansionlarında içməli su satın alınır.
Bizimyol.info əməkdaşının verdiyi məlumata görə artıq 27 ildir ki, həmin ərazidə içməli su problemi yaşanır, məcburi köçkünlər isə içməli suyu hələ də satın alırlar. Əməkdaşımız qeyd edir ki, hazırda həmin ərazidə suyun tonu 4 manata, xüsusi su çənləri vasitəsilə satılır.
Bununla bağlı Bizimyol.info-ya danışan “Azərsu” ASC-nin mətbuat xidmətinin rəhbəri Anar Cəbrayıllı qeyd edib ki, Xəzər rayonu Şüvəlan qəsəbəsində yerləşən, məcburi köçkünlərin məskunlaşdığı “Maşınqayırma” və “Ət-süd” pansionları növbəti mərhələdə içməli su ilə təchiz ediləcək:
“Hazırda o istiqamətdə bir sıra işlər görülüb və içməli su təchizatı yaxşılaşdırılıb. Konkret olaraq adıçəkilən ərazidə isə növbəti mərhələdə işlər görüləcək. Artıq layihə hazırlanıb, smeta xərcləri tutulub, maliyə vəsaitinin ayrılması gözlənilir”.
Ərazidən hazırlanan videoreportajı oxucularımıza təqdim edirik:
Şahidi olduğunuz hadisələri çəkib bizə göndərin!
Son Əlavə