Ötən gün baş verən hava toqquşmasından sonra Pakistan və Hindistan arasında vəziyyət gərgin olaraq qalır. Pakistanın Hindistanın şimalında yerləşən Cammu və Kəşmir ştatlarında yerləşən yaşayış məntəqələrini atəşə tutduğu xəbər verilir.
Bu barədə TASS yerli KİV-ə istinadən məlumat yayıb.
İnsident yerli vaxtla 06:00 radələrində (Bakı vaxtı ilə 04:30) Punç dairəsi yaxınlığında qeydə alınıb. Hindistan qüvvələri cavab atəşi açıb.
Buna qədər iki ölkənin hərbi qüvvələri arasında qarşıdurma yalnız hava məkanında gedirdi.
Belə ki, Hindistan aviasiyası Kəşmirin Pakistanın nəzarətində olan hissəsində mərkəzləşən “Caiş-i-Məhəmməd” qruplaşmasının düşərgəsinə zərbələr endirib.
Sözügedən qruplaşma fevralın 14-də Cammu və Kəşmirdə 45 nəfərin həyatına son qoyan terror aktlarına görə məsuliyyəti öz üzərinə götürmüşdü.
İslamabad Hindistanla müharibə etmək istəmədiyini bildirib. Bununla belə, “The Times of India” qəzetinin mənbəsinin dediyinə görə, pakistanlı baş nazir İmran Xan artıq nüvə qüvvələri komandanlığı ilə görüş keçirib.
Şahidi olduğunuz hadisələri çəkib bizə göndərin!
Son Əlavə