Median.Az xəbər verir ki, fevralın 22-i gecə saat 1 radələrində Xətai rayonu ərazisindən Bakı şəhər sakini A.Aslanova məxsus “Lexus” markalı avtomobil qaçırılıb.

Keçirilmiş əməliyyat tədbirləri nəticəsində avtomobilin paytaxt sakinləri N.İldarzadə və E.Nəcəfov tərəfindən qaçırılması və rayon ərazisində idarə edilərkən, səkiyə vurması
müəyyən edilib.

Bakı ş. Dövlət Yol Polisi İdarəsinin (DYPİ) əməkdaşları tərəfindən görülmüş tədbirlərlə həmin şəxslər saxlanılaraq Xətai RPİ 36-cı polis bölməsinə təhvil verilib.

Bundan başqa, Nəsimi RPİ-nin 22-ci polis şöbəsinə müraciət edən Bakı şəhər sakini R.Şahbazlı, fevralın 20-i saat 8 radələrində D.Əliyeva küçəsindən “Niva” markalı avtomobilinin qaçırıldığını bildirib.

Bakı ş. Baş Polis İdarəsinin (BPİ) əməkdaşları ilə birgə keçirilmiş əməliyyat-axtarış tədbirləri nəticəsində avtomobili qaçıran Xırdalan şəhər sakini, əvvəllər məhkum olunmuş F.Əsədov saxlanılıb. Qaçırılan avtomobil polis əməkdaşları tərəfindən Maşatağa qəsəbəsində, bağ evlərinin birinin həyətində aşkar edilib.

Faktlarla bağlı cinayət işləri başlanılıb.скачать dle 11.3