19:35 Şəkidə yol qəzasında 3 nəfər ölüb  |     19:27 Polşada təxribat planlaşdıran 8 nəfər həbs olunub  |     19:20 Gümrünün baş memarı həbs olundu  |     19:06 Professor 2026-cı il icbari tibbi sığorta büdcəsini şərh etdi  |     18:58 İki ildə bu səbəbdən 8,1 milyon insan ölüb - Havanın ən çirkli olduğu ölkələr və şəhərlər  |     18:50 AZAL-ın Bakı–Tbilisi reysləri aeroportun I terminalından həyata keçiriləcək  |     18:46 "İstanbul NS" klinikasının külli miqdarda borcu üzə çıxdı  |     18:45 Keçmiş əri tərəfindən bıçaqlanan TƏBİB əməkdaşı evə buraxılıb  |     18:38 Baş Prokurorluq plastik cərrahdan şikayət edən şəxsin iddialarına cavab verib  |     18:30 Bakıda qucağında azyaşlı maşın sürən şəxs qəza törədib, uşaq ölüb - YENİLƏNİB  |     18:23 Naxçıvanda bu hakim vəzifəsindən azad ediləcək  |     18:17 Qadın beyin əməliyyatı zamanı klarnet çaldı  |     18:11 Dabaq xəstəliyi insana keçə bilər? - RƏSMİ AÇIQLAMA  |     18:04 Azərbaycanda iş vaxtları dəyişdirilir - Tıxaclar azalacaq?  |     17:58 Oktyabrın pensiya ödənişi yekunlaşdı  |     17:50 Azərbaycanda 4-cü kurs tələbəsi vəfat edib  |     17:43 Avropada etil spirti qadağan edilə bilər  |     17:38 Tovuzda qadın heyvan üçün istifadə olunan dərmandan zəhərləndi  |     17:25 Yük maşınındakı meyvələr yola dağıldı - VİDEO  |     17:07 Sumqayıtda təcili yardım həkimlərinin iynə vurduğu kişi ÖLDÜ (Yenilənib)  |    

Vergilər Nazirliyi Cahangir Hacıyevə qarşı mülki iddia qaldırdı - 1,6 milyonluq

Bu gün Bakı Ağır Cinayətlər Məhkəməsində mənimsəmədə təqsirləndirilən "Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev, onun bacanağı İsmayıl Hidayət-zadə, sabiq deputat Dünyamin Xəlilov, Camal Həsənov, Sərxan Rəsulov, Natiq İmanov, Samir Hacıyev, Təbriz Əbdülhəmidov, Mahir Qafarov, Sadıx Murtuzayev, Tərlan Məhərrəmov, Fəxrəddin Heybətov, Ramin Əhmədov, Fariz Muradov, Səlahəddin Qədirov, Erxan Cavad, Arif Ramazanov, Navai Şirinov, Svetlana Əsədullayeva, Arif Mədətov, Adil Mikayılov, Ramis Kərimovun cinayət işi üzrə məhkəmə iclası davam etdirilib.

Median.Az
Report-a istinadən xəbər verir ki, hakim Faiq Qəniyevin sədrliyi ilə keçirilən prosesdə elan olunub ki, təqsirləndirilən C.Hacıyevin hüquqlarını müdafiə etmək üçün daha bir vəkil -Fəxrəddin Mehdiyev qoşulub.

Hakim bildirib ki, zərərçəkmiş qismində "Azərbaycan Beynəlxalq Bankı” ASC, mülki iddiaçı qismində isə "Aqrarkredit" QSC bank olmayan kredit təşkilatı ilə Vergilər Nazirliyi tanınıb.

Daha sonra Vergilər Nazirliyinin nümayəndəsi 1 milyon 752 min 359 manatlıq mülki iddia qaldırdıqlarını elan edib. O, həmin pulun C.Hacıyevdən tutulub, dövlətin büdcəsinə köçürülməsini istəyib.

Prosesdə dövlət ittihamçısı ittiham aktını elan edib, lakin iclasda fasilə yaranıb.

Məhkəmə iclası günün ikinci yarısında davam etdiriləcək.

Qeyd edək ki, rəsmi məlumata əsasən, aparılmış istintaqla 2001-2015-ci illərdə "Azərbaycan Beynəlxalq Bankı” ASC-nin İdarə Heyətinin sədri vəzifəsində işləmiş C.Hacıyevin göstərişləri əsasında ayrı-ayrı ölkələrdə yaradılmış hüquqi şəxslərlə real dəyəri olmayan sadə veksellərin alqı-satqısına dair 3,4 milyard ABŞ dolları və 987 milyon avro məbləğində (müvafiq dövrün məzənnəsi ilə 3,8 milyard manat) müqavilələr bağlanılaraq qanunsuz veksel əməliyyatları aparılmasına dair əsaslı şübhələr müəyyən edilib.

Aparılmış istintaqla C.Hacıyevin tanışı Dünyamin Xəlilov, digər 20 nəfər və qeyriləri ilə birlikdə qanunsuz maliyyə əməliyyatları aparılan və real dəyəri olmayan veksellərin alınması, eləcə də təminatı olmayan kreditlərin verilməsi yolu ilə ümumilikdə 4,7 milyard manat məbləğində pul vəsaitinin mənimsəmə və digər cinayətlər yolu ilə 2,5 milyard manat hissəsini ələ keçirməklə cinayət yolu ilə əldə edilmiş həmin vəsaitin 2 milyard manatını leqallaşdırmasında, digər 2,2 milyard manat məbləğində pul vəsaitinin isə müxtəlif əməliyyatlara yönəltməklə "Azərbaycan Beynəlxalq Bankı” ASC-yə ziyan vurmasına əsaslı şübhələr müəyyən edilib.

Xatırladaq ki, C.Hacıyev Bakı Ağır Cinayətlər Məhkəməsinin hökmü ilə 15 il, D.Xəlilov 13 il və İ.Hidayət-zadə isə 7 il müddətinə azadlıqdan məhrum edilib. Bakı Apllyasiya Məhkəməsinin qərarı ilə D.Xəlilovun cəzası 13 ildən 12 il 9 aya, Ali Məhkəmə isə İ.Hidayət-zadənin cəzasını 5 ilə endirib.скачать dle 11.3




Şahidi olduğunuz hadisələri çəkib bizə göndərin!




            1 416 04.02.19 13:49