Bu şəxslər dövlət hesabına müalicə ediləcək - QƏRAR » Median.Az - Bütün xəbərlər bir ünvanda
17:22 45 mindən çox əcnəbi Azərbaycanda qeydiyyata alınmaq üçün müraciət edib  |     17:17 Əfqanıstanın 5 vilayətində internet qadağan edildi  |     17:16 Kürdəmirdə qəzada həlak olan şəxs hərbçi imiş  |     16:48 Mingəçevirdə zəncirvari qəza, xəsarət alan var  |     15:58 Metro bu tarixlərdə saat 02:00-a qədər işləyəcək  |     15:50 Qohum evliliyi istəyənlərə kəbin kəsilir? - Din xadimlərindən CAVAB  |     15:25 "Green Card" müraciəti pullu oldu  |     15:19 Qusarda həyətində çətənə kolu yetişdirən şəxsdən 28 kiloqram marixuana aşkarlanıb - VİDEO  |     15:13 Azərbaycanda 1, 3 və 5 qəpikliklər dövriyyədən çıxarılacaq?  |     14:34 Bakıda bağçada bədbəxt hadisə: Azyaşlı yaralandı  |     14:33 Azərbaycanda bir institutun adı dəyişdirildi  |     14:32 "Bakı Kart"ın rəhbəri dəyişdi  |     14:24 Daşla öldürülən qadının bacısı: "Zəng edərək dedi ki, məni xilas et"  |     14:17 Gəncədə məhkəmənin həyətində dava düşdü, zərərçəkmiş qadın döyüldü  |     13:50 Bu gün maqnit qasırğaları nə dərəcədə təsirli olacaq? - Alimlərdən proqnoz  |     13:33 Bəzi qurumlar onlayn rejimə keçdi - SƏBƏB  |     12:45 Süd məhsullarının emalı müəssisəsi qanunsuz işləyirmiş - FOTOLAR  |     12:39 Gədəbəydə maye qazdoldurma məntəqəsinin faəliyyəti dayandırılıb - Video  |     12:25 Bakıda orta aylıq əməkhaqqı 1 370 manatı ötdü  |     12:23 Mübahisə etdiyi şəxsin üzərinə qəsdlə maşın sürən şəxslə bağlı qərar ləğv edildi  |    

Bu şəxslər dövlət hesabına müalicə ediləcək - QƏRAR

Nazirlər Kabineti “Peşə təhsili müəssisələrində əlavə müayinə və müalicəyə ehtiyacı olan şəxslərə əlavə müalicə-bərpa xidməti göstərilməsi Qaydası”nı təsdiqləyib.

Qərarı baş nazir Novruz Məmmədov imzalayıb.

Qaydaya əsasən, peşə təhsili müəssisəsində əlavə müayinə və müalicəyə ehtiyacı olan şəxslər üçün fərdi qaydada aparılacaq müalicə-bərpa xidmətləri ərazi dövlət tibb müəssisələri tərəfindən müəyyən edilir.

Peşə təhsili müəssisəsində əlavə müayinə və müalicəyə ehtiyacı olan yetkinlik yaşına çatmayan şəxslərə əlavə müalicə-bərpa xidmətləri “Uşaqların icbari dispanserizasiyasının həyata keçirilməsi Qaydası” və “Xəstə və xəstələnmə riski olan uşaqlar üçün müalicə-sağlamlaşdırıcı tədbirlərin həyata keçirilməsi Qaydası”na uyğun olaraq həyata keçirilir.

Peşə təhsili müəssisəsində müalicəyə və ya müalicə-bərpa xidmətinə ehtiyacı olan yetkinlik yaşına çatmayan şəxslərə, təxirəsalınmaz hallar istisna olmaqla, digər tibbi xidmətlər onların valideynlərinin və ya qanuni nümayəndələrinin yazılı razılığı ilə göstərilir. Peşə təhsili müəssisəsində təhsilalanlara aparılan əlavə müalicə-bərpa tədbirlərinin nəticələri ərazi üzrə ambulator-poliklinika müəssisəsinin peşə təhsili müəssisəsinə təhkim olunmuş həkimi tərəfindən qiymətləndirilir.

Şəxsin sağlamlıq vəziyyətindən asılı olaraq, ehtiyac olduqda bu tədbirlər davam etdirilir. Peşə təhsili müəssisəsində təhsilalanların tibbi profilaktik müayinəsi təhsil müddəti dövründə ildə bir dəfədən az olmayaraq, həmin təhsil müəssisəsində və ya ərazi üzrə ambulator-poliklinik xidmət göstərən tibb müəssisəsində aparılır.

Dövri tibbi profilaktik müayinələrin nəticəsinə uyğun olaraq aşağıdakı tədbirlər həyata keçirilir:

- ötən tədris ili ərzində təhsilalanların sağlamlığının dinamikasının qiymətləndirilməsi, xəstəliklərin erkən əlamətlərinin və funksional pozuntuların aşkar edilməsi və onların aradan qaldırılması üçün müvafiq əlavə müalicə-bərpa tədbirlərinin təşkili;

- peşə təhsili dövründə tədris-istehsalat yükünün təhsilalanlara təsirinin öyrənilməsi;

- sağlamlığında pozuntular (müxtəlif orqan və sistemlərin xəstəlikləri, fiziki, cinsi və digər morfofunksional pozuntular) aşkar edilmiş təhsilalanların dispanser qeydiyyatına götürülməsi və onların müvafiq müalicə-bərpa müəssisələrinə yönəldilməsi;

- sağlamlığında pozuntular aşkar edilmiş təhsilalanların təhsili davam etdirə bilməsi və seçdiyi peşəyə uyğun işə yararlılığı barədə rəy verilməsi;

Təhsilalanlara göstərilən əlavə müalicə-bərpa tədbirləri barədə məlumatlar Vətəndaşların Elektron Sağlamlıq Kartı Sisteminə (VESKS-ə) daxil edilir. Peşə təhsili müəssisəsində əlavə müayinə və müalicəyə ehtiyacı olan şəxslərə əlavə müalicə-bərpa xidmətləri dövlət büdcəsi vəsaiti hesabına göstərilir.скачать dle 11.3




Şahidi olduğunuz hadisələri çəkib bizə göndərin!




            3 447 28.01.19 12:10