Təhsil müəssisələri olan ərazilərdə nəqliyyatın sıxlığı azaldılacaq

Təhsil müəssisələrinin yerləşdiyi ərazilərdə yol hərəkəti təşkil olunacaq.

Bu barədə məlumat “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün” Dövlət Proqramında yer alıb.

Sənədə əsasən, iri yaşayış məntəqələrindəki təhsil müəssisələrinin yerləşdiyi ərazilərdə avtomobil yollarında hərəkət sıxlığını azaltmaq məqsədilə küçə-yol şəbəkəsinin xüsusiyyətləri və digər təhlükəsizlik meyarları nəzərə alınmaqla, yol hərəkətinin təşkilinə dair təkliflər hazırlanacaq.

Təhsil müəssisələrinin bilavasitə yaxınlığında yerləşən küçə-yol şəbəkəsində müvafiq sürət məhdudiyyətinin müəyyən edilməsi və yol hərəkəti təşkilinin texniki vasitələrinin tətbiqinə xüsusi diqqət yetiriləcək.