Bakı Ağır Cinayətlər Məhkəməsində Cəlilabad rayon sakinləri Nicat Muradovun, İlkin Kərimovun CM-nin 29,120.2.1-ci (qəsdən adam öldürməyə cəhd, qabaqcadan əlbir olan bir qrup şəxs tərəfindən törədildikdə) və Saatlı rayon sakini Sahil Əzizovun CM-nin 221.1-ci (xuliqanlıq) maddəlləri ilə təqsirləndirilmələrinə dair cinayət işi üzrə məhkəmə prosesi başa çatıb.

Median.Az xəbər verir ki, bu il martın 28-i saat 23 radələrində Nərimanov rayonu ərazisindən Bakı şəhər sakini Vasif Məhəmmədovun kəsilmiş-deşilmiş xəsarətlə Kliniki Tibbi Mərkəzə gətirilməsi barədə Nərimanov RPİ 18-ci polis şöbəsinə məlumat daxil olub.

Bakı şəhər Baş Polis İdarəsinin Təhlükəsiz Şəhər Xidməti və 18-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində cinayəti törədən 3 nəfər qısa müddətdə müəyyən edilərək saxlanılıb.

Məhkəmənin hökmü ilə N.Muradov və İ.Kərimovun ittiham olunduğu CM-nin 29,120.2.1-ci maddəsi 126.1-ci (qəsdən sağlamlığa ağır zərər vurma) maddəsinə tövsif olunub.

Məhkəmənin hökmü ilə N.Muradov 5 il və İ.Kərimov 2 il 6 ay müddətinə azadlıqdan məhrum olunublar. Barəsində ev dustaqlığı qətimkan tədbiri seçilən S.Əzizova şərti cəza təyin olunub.скачать dle 11.3