Median.Az xəbər verir ki, noyabrın 17-i gecə saat 3 radələrində M.Ə.Rəsulzadə qəsəbəsi ərazisində, müəyyən edilməmiş avtomobillə yolu keçən Bakı şəhər sakini Elman Salehov vurulub, nəticədə piyada hadisə yerində ölüb.

Binəqədi RPİ 4-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində “Hummer H-3” markalı avtomobilin sürücüsü saxlanılıb.

Bundan başqa, noyabrın 22-i saat 18 radələrində Xəzər rayonunun Buzovna qəsəbəsi ərazisində müəyyən edilməmiş avtomobillə Maştağa qəsəbə sakini Elvira Əlirzayeva vurulub və o, 3 saylı şəhər klinik xəstəxanasına yerləşdirilib.

Bakı şəhər Baş Polis İdarəsi (BPİ) Təhlükəsiz Şəhər Xidməti və Xəzər RPİ 2-ci polis şöbəsinin əməkdaşları tərəfindən “VAZ-2106” markalı avtomobilin sürücüsü, paytaxt sakini
Hicran Həsənov saxlanılıb.

Noyabrın 22-i saat 6 radələrində Nərimanov rayonunun Z.Bünyadov prospektində müəyyən edilməmiş avtomobillə yolu keçən 25-30 yaşlı kişi vurulub, nəticədə həmin şəxs hadisə yerində ölüb. Araşdırma zamanı, ölən şəxsin Xəzər rayon sakini Nadir Əliyev olması müəyyən edilib.

Bakı şəhər BPİ Cinayət Axtarışı İdarəsi və Nərimanov RPİ 17-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində “Toyota” markalı avtomobilin sürücüsü, Gəncə şəhər sakini Rəsul Atayev saxlanılıb.

Noyabrın 18-də Bakı şəhər sakini Samir Ağacanovun xəsarət alması ilə nəticələnən yol-nəqliyyat hadisəsini törədən “Opel” markalı avtomobilin sürücüsü paytaxt sakini Səidə Xəlilova Nizami RPİ-nin əməkdaşları tərəfindən saxlanılıb.

Faktlarla bağlı araşdırmalar aparılır.скачать dle 11.3