Göyçayın 30 kəndinin rayon mərkəzi ilə əlaqəsi kəsilib » Median.Az - Bütün xəbərlər bir ünvanda
23:02 "OpenAI"dən etiraf - Bəzi yazışmaları yoxlayıb, polisə xəbər verirlər  |     22:57 Nazirliyə məxsus avtomobil 2000 manatla satışa çıxarılır  |     22:50 Həyət evi olanların nəzərinə: Sentyabrın 1-dən...  |     22:45 Milyardlarla izlənən “Gangnam Style” ifaçısı barəsində istintaq başladı  |     22:38 Vəfat edən şəxsin kreditini kim ödəməlidir? – AÇIQLAMA  |     22:30 Gəncədə 31 yaşlı kişini bıçaqlamaqda şübhəli bilinən şəxs saxlanılıb  |     22:25 "Qarabağ"ın rəqibləri müəyyən olundu  |     22:20 İsrail Sənanı husi liderinin müraciəti zamanı bombaladı  |     22:12 Azərbaycanlı itkinlərin ailə üzvləri ilk dəfə BMT-də qəbul edilib  |     22:06 Türkiyənin iki vilayətində meşə yanır  |     22:00 Məktəblərdə yeni dərsliklər tədris olunacaq  |     21:53 Kirayə mənzil bazarında vəziyyət necədir?  |     21:48 "Zara"dan paltar oğurladı, məhkəmədə "ali təhsilliyəm" dedi  |     21:41 Labubunun yaradıcısı 38 yaşında dünyanın ən varlı 100 adamı sırasına daxil oldu  |     21:36 Bu idarə Bərdədən Xankəndiyə köçürülür  |     21:29 Azərbaycanlı qadına Rusiyada 5 il həbs cəzası verildi - Casusluq ittihamı  |     21:24 Abşeronda bir ev 5 nəfərə satılıb? (VİDEO)  |     21:17 "Qarabağ" tarixi uğura görə nə qədər qazanc əldə etdi? - MƏBLƏĞ  |     21:12 Turistlərə tətillərini poza biləcək içkilər barədə xəbərdarlıq  |     21:02 Leyla Əliyeva Şamaxıda körpələr evi-uşaq bağçalarının açılışında (FOTO)  |    

Göyçayın 30 kəndinin rayon mərkəzi ilə əlaqəsi kəsilib

Bakı-Şamaxı-Yevlax yolunun Göyçay çayı üzərindəki körpü 7 saatdır bağlıdır

Göyçay çayı üzərindəki avtomobil körpüsünün dəmir-beton dayaqları güclü selin təsiri nəticəsində çökmək üzrədir. Onun yanındakı piyada körpüsünü isə sel aparıb.

Bakı-Şamaxı-Yevlax magistral avtomobil yolunun Göyçay çayı üzərindən keçən körpüsündə bu gün günorta saatlarında nəqliyyatın hərəkəti dayandırılıb. Hələ də yol açılmayıb. Göyçay şəhərinin bir hissəsində yaşayan insanların və rayonun 30-dan çox kəndinin əhalisinin rayon mərkəzi ilə nəqliyyat əlaqəsi kəsilib.

Selin təsiri nəticəsində çayın üzərindən keçən təbii qaz, elektrik, rabitə və içməli su xətləri qırılıb. Kəndlərə qaz verilişi dayanıb. Hazırda FHN-nin, Göyçay rayon Polis Şöbəsinin əməkdaşları, rayon fövqəladə hallar komissiyasının nümayəndələri hadisə yerindədir.

Körpünün hər an dağılmaq təhlükəsi artdığı üçün 7 saatdır ki, körpüdən nəqliyyatın keçidi tam dayandırılıb, bu səbəbdən böyük tıxac yaranıb. Təhlükə artdığı üçün bu dəqiqələrdə körpüdən insanların piyada keçidinə də qadağa qoyulub. Hər iki tərəfdə polis mühafizəsi gücləndirilib. İnsanların körpüyə yaxınlaşmaması üçün tədbirlər görülür.

Sel fəlakəti səbəbindən Bakı-Şamaxı-Yevlax avtomobil yolundan istifadə edən sürücülər hazırda alternativ olaraq Göyçay-Ucar-Kürdəmir-Bakı yolundan istifadə edirlər. (APA)

* * * * *

Çökmə təhlükəsi ilə üzləşmiş Göyçay çayı üzərindəki körpüdə nəqliyyatın hərəkəti dayandırılıb.

Körpünün üzərindən nəqliyyat vasitələrinin keçməsinə icazə verilmir. Hələ ki körpüdən insanların fərdi şəkildə istifadəsinə qadağa qoyulmayıb.

Körpüdə hərəkətin dayanması ilə əlaqədar Bakı-Şamaxı-Yevlax magistralında böyük tıxac yaranıb. Minlərlə avtomobil yolda qalıb.

Hazırda Göyçay çayında sel davam edir. Körpünün dağılma təhlükəsi var.

* * * * *

İyunun 1-də axşam saatlarından başlayaraq Göyçay, İsmayıllı, Qəbələ rayonlarına yağan güclü yağışdan sonra əmələ gələn sel suları Göyçay çayında suyun səviyyəsinin xeyli artmasına səbəb olub.

Göyçay şəhəri, eləcə də Cəyirli, Potu, Çərəkə və başqa kəndlərin sakinləri üçün təhlükə yaranıb. Sel suları çay yatağının genişlənməsinə səbəb olub, ətrafdakı torpaq qatını yuyaraq aparıb, əkin sahələrinə, meyvə bağlarına zərər yetirib.

Sel suları Bakı-Şamaxı-Yevlax avtomobil yolunun Göyçay çayı üzərindəki piyada və avtomobil körpüsünə də ziyan vurub.

İyunun 2-də saat 13:00 radələrində selin təsiri nəticəsində çayın üzərindəki iki beton dayaqlı piyada körpüsü yararsız hala düşüb. Hazırda sel axını davam edir və avtomobil körpüsü çökmək təhlükəsi ilə üzləşib.

Artıq körpünün altındakı beton plitələri və mühafizə bəndini sel yuyaraq aparıb. Körpünü üstündəki asfalt qatında iri çatlar əmələ gəlib. Sel suları körpünü silkələyir və insanlar öz avtomobili ilə körpünün üstündən keçməyə qorxur.

Polis əməkdaşları hadisə yerindədir və insanları ehtiyatlı davranmağı və körpünün üstündə qalmamağı məsləhət görür. (APA)скачать dle 11.3




Şahidi olduğunuz hadisələri çəkib bizə göndərin!




            3 184 02.06.18 21:06