Martda 15 gün istirahət edəcəyik

Mart ayında bayramlarla əlaqədar səkkiz qeyri-iş günü olacaq.

2018-ci ildə 8 Mart - Qadınlar günü iş günü hesab edilmir, 20, 21, 22, 23, 24 mart isə Novruz bayramıdır.

Əmək Məcəlləsinə əsasən, 24 mart şənbə - yəni həftələrarası istirahət günü iş günü hesab olunmayan bayram gününə düşdüyü üçün 26 mart qeyri-iş günü olacaq. Beləliklə, bu il Novruz bayramında bir həftə ardıcıl qeyri-iş günü olacaq.

Qərara əsasən, beşgünlük iş həftəsində 26 mart istirahət günüdür.

Qeyd edək ki, şənbə və bazar günləri nəzərə alınmaqla, ümimlikdə 15 gün istirahət edəcəyik.