İtaliya parlamentinin Senatının deputatları ölkənin nüvə energetikasından imtina etməsindən təxminən 40 il sonra onun yenidən inkişafına imkan verən qanunu qəbul ediblər.

Median.Az bu barədə "Bloomberg" agentliyinə istinadən xəbər verir.

Qanun hər hansı reaktorun tikintisinə icazə vermir, yalnız "gələcək layihələr üçün hüquqi əsas" yaradır.

Ölkədə atom enerjisi istehsalının bərpası üçün vaxt tələb olunur və İtaliyanın nüvə energetikası obyektlərinin tikintisinə və istismarına nə vaxt başlaya biləcəyi hələlik məlum deyil.

Qanun Baş nazir Corcia Meloni hökumətinin iqtisadiyyatı enerji daşıyıcılarının qiymətlərinin artımından qorumaq, habelə İtaliyanın xarici enerji resursları təchizatçılarından asılılığını azaltmaq məqsədi daşıyan siyasətinə uyğun olaraq qəbul edilib.скачать dle 11.3