Ötən gecə Rusiya ordusu Ukraynanın bölgələrinə dronlar və ballistik raketlərlə hücum həyata keçirib.

Median.Az Ukrayna mətbuatına istinadən xəbər verir ki, paytaxt Kiyev də daxil olmaqla, Dnepropetrovsk vilayətinə zərbələr endirilib.

Dnepropetrovsk Vilayət Dövlət Administrasiyasının rəhbəri Aleksandr Qanja bildirib ki, Rusiya eyni vaxtda bölgənin üç şəhərində - Dnepr, Krivoy Roq və Pavloqradda sənaye müəssisələrinə hücum edib. Hücum nəticəsində müəssisələrə və yaşayış binalarına ziyan dəyib, ölən və yaralananların sayı dəqiqləşdirilir.

Rusiya ordusunun hücumu nəticəsində Dnepropetrovsk vilayətinin Pavloqrad şəhərinin azərbaycanlı polis rəisi, polkovnik-leytenant Rüstəm Vəliyevin də iş otağı ziyan görüb. Obyektin tamamilə dağıldığı bildirilir. Xoşbəxtlikdən binada olan şəxslər, o cümlədən Rüstəm Vəliyev xəsarət almayıblar.

Bildirək ki, Rüstəm Elçin oğlu Vəliyev 2019-cu ilə qədər Xarkov vilayətində Ukrayna Polis İdarəsinin baş əməliyyat müvəkkili vəzifəsində çalışıb. 2020 – 2023 Odessa vilayəti Baş Polis İdarəsinin Cinayət Polisi rəisinin müavini, 2023-cü ilin mart ayından 2023-cü ilin oktyabr ayına qədər - Rovno şəhər Baş Polis İdarəsinin Varaski Polis İdarəsinin rəisi vəzifələrində çalışıb.

O, 2023-cü ildə Pavloqrad Rayon Polis İdarəsinin rəisi vəzifəsinə təyin olunub.

Rüstəm Vəliyev İrina adlı qadınla evlidir. Onların bu evlilikdən Tamerlan adlı oğlanları var.
//unikal.azскачать dle 11.3