Şəkidə 4 nəfərin çaqqal tərəfindən dişlənməsi vəhşi heyvanların insan sağlamlığı üçün yarada biləcəyi riskləri yenidən gündəmə gətirib. Belə hallarda əsas narahatlıqlardan biri quduzluq xəstəliyinə yoluxma ehtimalıdır. Bəs çaqqal dişləməsindən sonra hansı tədbirlər görülməlidir, quduzluğa qarşı vaksin mövcuddurmu və vaxtında müdaxilə edilmədikdə hansı təhlükələr yarana bilər?

Hadisə ilə bağlı Median.Az-a açıqlama verən tibb üzrə mütəxəssis-ekspert Adil Qeybulla bildirib:

"Ümumiyyətlə vəhşi heyvanların, xüsusilə də itlərin, çaqqalların, pişiklərin insana hücumu təsadüfi deyil. Bunlar ya aclıqdan, ya da quduzluqdan baş verə bilər. Hər halda quduz heyvanın aqressiv olması nəzərdə tutulmalıdır".
Mütəxəssis qeyd edib ki, belə heyvanlarda sudan, işıqdan qorxma və aqressiya müşahidə edilir. Bu da virusun insana keçməsinə səbəb ola bilər. Ona görə də bu cür heyvanların dişləməsi zamanı mütləq quduzluq əleyhinə vaksin vurulmalıdır.

Ekspert əlavə edib ki, bu vaksin profilaktik məqsədlə vurulur. 6 saat ərzində insan nəzarət altında saxlanılır. Əgər heyvan ev heyvanıdırsa, o da nəzarətə götürülür. Quduzluğun hər hansı bir əlaməti baş verərsə, dərhal müalicə tədbirləri görülməlidir. Həmin vaksinasiyanın dozası da dəyişdirilir. Erkən vaksinasiya insanları bu virusdan və ağır situasiyadan xilas edə bilir.
Dəniz Pənahova
Median.Azскачать dle 11.3