"Nəfəs çatışmazlığı hissi sadəcə narahatlıq deyil, həmçinin orqanizmin mümkün pozuntu barəsində vacib siqnalıdır".

Bu barədə rusiyalı terapevt Svetlana Burnatskaya Lenta.ru-ya müsahibəsində xəbərdarlıq edib.

Svetlana Burnatskaya sakit vəziyyətdə tam şəkildə sinədən, dərindən nəfəs ala bilməməyin hansı təhlükəli xəstəliklərin simptomu ola biləcəyindən danışıb.

"Əgər tam şəkildə nəfəs ala bilmirsinizsə, bu, tənəffüs sistemi xəstəlikləri ilə bağlı ola bilər. Bronxial astma, xroniki obstruktiv ağciyər xəstəliyi və pnevmoniya tez-tez nəfəs almaqda çətinlik çəkmək kimi halla müşayiət olunur. Bu halda hava çatışmazlığı hissi sinədə tıxanıqlıq, xırıltılı nəfəsalma və öskürəklə müşayiət oluna bilər", - deyə həkim xəbərdarlıq edib.

Svetlana Burnatskaya daha bir mümkün səbəb kimi anemiyanı qeyd edib. Onun sözlərinə görə, hemoqlobin səviyyəsinin aşağı düşməsi ona gətirib çıxarır ki, toxumalar daha az oksigen alır və bu səbəbdən də insan çatışmazlığı kompensasiya etmək üçün daha tez-tez və daha dərindən nəfəs almağa başlayır.

Həmçinin bu simptom ürək-damar xəstəlikləri zamanı da müşahidə oluna bilər. Həkim qeyd edib ki, məsələn, ürək çatışmazlığı və ya ürəyin işemik xəstəliyi zamanı qan oksigenlə daha az doyur və xüsusən də fiziki yüklənmə zamanı və ya uzanıqlı vəziyyətdə olarkən nəfəs darlığı, hava çatışmazlığı hissi yaranır.

Mütəxəssis digər təhlükəli səbəblərə tənəffüs əzələlərinin işini çətinləşdirən piylənməni, eləcə də psixogen xarakterli xəstəlikləri, məsələn, təşviş və narahatlıq pozuntularını aid edib.
//oxu.azскачать dle 11.3