Məşhur fransalı musiqiçi 50 yaşında vəfat etdi
Fransanın tanınmış DJ-i və musiqi prodüseri Kavinsi (əsl adı Vensan Belorj) Parisdəki evində ölü tapılıb. Musiqiçinin 50 yaşı var idi.
Onun vəfatı barədə Fransa KİV-ləri Paris Prokurorluğuna istinadən məlumat yayıb.
Məlumata görə, musiqiçinin ölüm səbəbini müəyyənləşdirmək üçün araşdırma başlanılıb.
"Hadisə yerinə ilk gələn əməkdaşlar şübhəli heç bir əlamət aşkar etmədikləri üçün ölümün səbəblərinin müəyyənləşdirilməsi məqsədilə araşdırma başladılıb", deyə prokurorluq bildirib.
Bildirilir ki, Kavinski avqustun 8-də Dovil yaxınlığında keçiriləcək "Garten on the Beach" festivalının əsas ifaçılarından biri olmalı idi. Festival proqramında elektron musiqi səhnəsinin tanınmış simaları "Bakermat" və "Bellaire" də yer alır.
Kavinski müasir sintveyv janrının əsas nümayəndələrindən biri hesab olunan fransız musiqiçi, DJ və prodüser idi. Onun yaradıcılığı elektron musiqini 1980-ci illərin filmləri və videooyunlarından ilhamlanan retro estetika ilə birləşdirirdi. Bu üslub onun əsərlərinə neon işıqları, gecə magistralları və futuristik ab-hava ilə seçilən fərqli səslənmə qazandırmışdı.
Musiqiçiyə dünya şöhrətini 2011-ci ildə Rayan Qoslinqin baş rolda oynadığı "Drive" filminin saundtrekinə daxil edilən "Nightcall" bəstəsi qazandırıb. Mahnı sintveyv janrının ən məşhur əsərlərindən birinə çevrilərək "Kavinsky"ni bu musiqi istiqamətinin aparıcı simalarından biri kimi tanıdıb.
Onun digər məşhur əsərləri arasında "Testarossa Autodrive", "ProtoVision", "Roadgame" və "The Weeknd" ilə birgə hazırladığı "Odd Look" yer alır.
Kavinski 2013-cü ildə debüt albomu "OutRun"u təqdim edib. Albom atmosferik, kino üslubunu xatırladan səslənməsi və güclü vizual konsepsiyası ilə müsbət rəylər alıb. Uzun fasilədən sonra o, 2022-ci ildə "Reborn" albomu ilə səhnəyə qayıdıb.
Karyerası ərzində bir çox beynəlxalq tədbirlərdə çıxış edən musiqiçi 2024-cü ildə Paris Yay Olimpiya Oyunlarının bağlanış mərasimində də səhnə alıb.
//qaynar.az
Onun vəfatı barədə Fransa KİV-ləri Paris Prokurorluğuna istinadən məlumat yayıb.
Məlumata görə, musiqiçinin ölüm səbəbini müəyyənləşdirmək üçün araşdırma başlanılıb.
"Hadisə yerinə ilk gələn əməkdaşlar şübhəli heç bir əlamət aşkar etmədikləri üçün ölümün səbəblərinin müəyyənləşdirilməsi məqsədilə araşdırma başladılıb", deyə prokurorluq bildirib.
Bildirilir ki, Kavinski avqustun 8-də Dovil yaxınlığında keçiriləcək "Garten on the Beach" festivalının əsas ifaçılarından biri olmalı idi. Festival proqramında elektron musiqi səhnəsinin tanınmış simaları "Bakermat" və "Bellaire" də yer alır.
Kavinski müasir sintveyv janrının əsas nümayəndələrindən biri hesab olunan fransız musiqiçi, DJ və prodüser idi. Onun yaradıcılığı elektron musiqini 1980-ci illərin filmləri və videooyunlarından ilhamlanan retro estetika ilə birləşdirirdi. Bu üslub onun əsərlərinə neon işıqları, gecə magistralları və futuristik ab-hava ilə seçilən fərqli səslənmə qazandırmışdı.
Musiqiçiyə dünya şöhrətini 2011-ci ildə Rayan Qoslinqin baş rolda oynadığı "Drive" filminin saundtrekinə daxil edilən "Nightcall" bəstəsi qazandırıb. Mahnı sintveyv janrının ən məşhur əsərlərindən birinə çevrilərək "Kavinsky"ni bu musiqi istiqamətinin aparıcı simalarından biri kimi tanıdıb.
Onun digər məşhur əsərləri arasında "Testarossa Autodrive", "ProtoVision", "Roadgame" və "The Weeknd" ilə birgə hazırladığı "Odd Look" yer alır.
Kavinski 2013-cü ildə debüt albomu "OutRun"u təqdim edib. Albom atmosferik, kino üslubunu xatırladan səslənməsi və güclü vizual konsepsiyası ilə müsbət rəylər alıb. Uzun fasilədən sonra o, 2022-ci ildə "Reborn" albomu ilə səhnəyə qayıdıb.
Karyerası ərzində bir çox beynəlxalq tədbirlərdə çıxış edən musiqiçi 2024-cü ildə Paris Yay Olimpiya Oyunlarının bağlanış mərasimində də səhnə alıb.
//qaynar.az
