Bakının mərkəzində PULSUZ mikroavtobuslar fəaliyyətə başladı - FOTO

Bakıda nəqliyyat vasitələrinin hərəkətinin məhdudlaşdırıldığı ərazilərdə yerləşən ictimai iaşə obyektlərinə, istirahət məkanlarına əlçatanlığın təmin edilməsi məqsədilə ödənişsiz şatl (qısaməsafəli nəqliyyat vasitəsi - red.) tipli elektrik mikroavtobusları istifadəyə verilib.

Bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi məlumat yayıb.

Məlumata əsasən, şatlların istiqamətləri bunlardır: C1 - Xaqani bağı - Zərifə Əliyeva küçəsinin sonu, C2 - Sabir bağı - Əziz Əliyev küçəsinin sonu.

Bildirilib ki, bu şatllar həftə sonları və bayram günlərində saat 12:00-00:00 aralığında fəaliyyət göstərəcək. İnterval isə 7-10 dəqiqə olacaq.