"Elə ölkələr var ki, təhlküəsizlik baxımından bəzi küçələrə axşam saatlarında polislər belə daxil olmaqdan çəkinir. Bizdə hər şey yüksək səviyyədə təmin olunub, bunu yüksək səviyyədə qiymətləndirmək lazımdır. Bizdə insanlar itlərdən qorxub küçəyə çıxa bilmirlər".

Bunu Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında deputat Qüdrət Həsənquliyev deyib.

"Nazirlər Kabinetinin yaşayış məntəqələrində it-pişik və digər heyvanların saxlanması ilə bağlı təsdiq etdiyi qaydalar var. Amma qanun yoxdur. Hesab edirəm ki, qanunun qəbuluna ehtiyacı var. Dostum söyləyir ki, itini Buzovnada dəniz kənarında gəzdirməyə çıxarır. Deyir ki, çox bahalı ev itləri dənizin kənarında sürü halında gəzirlər. Bilirsiz ki, yaşayış xərcləri artır. Xüsusilə yaşlı insanlar həmin itləri saxlaya bilmirlər və gətirib dənizin kənarına buraxırlar. Bir neçə bölgədə küçə heyvanları üçün sığınacağın tikilməsinə ehtiyac var. Həmin heyvanlar tutulub orada saxlanılmalı, diqqət göstərilməlidir”, - deyə deputat bildirib.
//unikal.azскачать dle 11.3