Ağstafa rayonunda kişi musiqi məktəbinə hücum edərək, keçmiş arvadını öldürmək istəyib.

Hadisə Ağstafa şəhəri Hüseyn Arif adına musiqi məktəbində baş verib.

Rayonun Poylu kənd sakini, 1980-ci il təvəllüdlü Azər Sadıqov (ad və soyad şərtidir) həyat yoldaşından rəsmi boşanıb. Hadisədən iki il sonra Azər həyat yoldaşı ilə yenidən birlikdə yaşamaq istəsə də, qadın onun bu təklifini rədd edib. Azər bu barədə keçmiş həyat yoldaşına dəfələrlə təklif etsə də, qadın onunla razılaşmayıb.

Bir neçə gün əvvəl Azər spirtli içki qəbul edərək, sərxoş vəziyyətdə keçmiş həyat yoldaşının işlədiyi musiqi məktəbinə gəlib. O, qadınla görüşərək ona yenidən təklif edib. Qadın isə yenə də təklifi rədd edib. Hadisədən əsəbiləşən A.Sadıqov məktəbdə yüksək səslə söyüş söyməklə qadını hədələməyə başlayıb. Daha sonra o, qadını öldürəcəyini bildirib.

Hadisə yerinə polis əməkdaşları gəliblər və A.Sadıqov saxlanılıb. A.Sadıqov barəsində inzibati protokol tərtib edilərək iş məhkəməyə göndərilib.

Ağstafa Rayon Məhkəməsinin qərarı ilə A.Sadıqov barəsində 7 sutka inzibati həbs qərarı çıxarılıb.
//oxu.azскачать dle 11.3