Masallıda evə basqın edilib.

Hadisə yanvarın 4-də Masallı rayonu ərazisindəki evlərdən birində qeydə alınıb.

Naməlum şəxs rayon ərazisində mənzillərdən birinə qanunsuz daxil olub. Bu vaxt o, ev sahibi ilə qarşılaşıb. O, ev sahibini hədələyərək, ona xəsarət yetirəcəyini və evi yandıracağını deyib. Bundan sonra o, evdə olan 33 400 manatlıq qızıl-zinət əşyalarını, 2000 ABŞ dolları, 10 500 manatı və bir ədəd mobil telefonu götürərək hadisə yerindən qaçıb.

Daxili İşlər Nazirliyinin Mətbuat Xidmətinin Lənkəran regional qrupundan Oxu.Az-a verilən məlumata görə, Masallı Rayon Polis Şöbəsinin əməkdaşlarının həyata keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 33 yaşlı Hüseyn Məmmədov saxlanılıb.

Faktla bağlı cinayət işi başlanılıb, araşdırmalar davam etdirilir.
//oxu.azскачать dle 11.3