Xərçəng mutasiyasının daşıyıcısı olan donor 197 uşağın atası çıxdı
Xərçəngə səbəb olan mutasiyanın daşıyıcısı olduğu ortaya çıxan biomaterial donoru Avropanın bir neçə ölkəsində ən azı 197 uşağın atası olub.
Median.Az Danimarka radiosuna (DR) istinadən xəbər verir ki, bu barədə Avropa Yayım Birliyinin jurnalist araşdırma şəbəkəsinin hesabatında qeyd olunub.
Məlumata əsasən, "Kyeld" ləqəbi ilə tanınan tələbə 2005-ci ildə Avropa Sperma Bankında donor olub. Daha sonra həmin kişinin spermatozoidlərinin 10-19%-ində bədxassəli şişlərin yaranmasının qarşısını almalı olan TP53 genində mutasiya aşkarlanıb.
Donor özü sağlam hesab olunsa da, onun biomaterialının nəslə ötürülməsi uşaqlıq dövründə leykemiya, beyin şişi və sümük xərçəngi də daxil olmaqla, ağır onkoloji xəstəliklərin yaranması riskini ciddi şəkildə artırır.
Genetik qüsur yalnız 2023-cü ildə aşkar edilib və bundan sonra həmin kişinin biomaterialından istifadə dayandırılıb. 2006-2022-ci illər ərzində tələbənin spermasını 14 ölkədə 67 klinika alıb.
Median.Az Danimarka radiosuna (DR) istinadən xəbər verir ki, bu barədə Avropa Yayım Birliyinin jurnalist araşdırma şəbəkəsinin hesabatında qeyd olunub.
Məlumata əsasən, "Kyeld" ləqəbi ilə tanınan tələbə 2005-ci ildə Avropa Sperma Bankında donor olub. Daha sonra həmin kişinin spermatozoidlərinin 10-19%-ində bədxassəli şişlərin yaranmasının qarşısını almalı olan TP53 genində mutasiya aşkarlanıb.
Donor özü sağlam hesab olunsa da, onun biomaterialının nəslə ötürülməsi uşaqlıq dövründə leykemiya, beyin şişi və sümük xərçəngi də daxil olmaqla, ağır onkoloji xəstəliklərin yaranması riskini ciddi şəkildə artırır.
Genetik qüsur yalnız 2023-cü ildə aşkar edilib və bundan sonra həmin kişinin biomaterialından istifadə dayandırılıb. 2006-2022-ci illər ərzində tələbənin spermasını 14 ölkədə 67 klinika alıb.
