"Düşünürəm ki, kilsəyə qarşı hərəkət edənlər, kilsə əleyhinə düşüncə tərzi ilə hərəkət edənlər məhz Ktriç Nersisyan (bütün ermənilərin katolikosu II Qaregin - red.) və onun yaxın ətrafıdır".

Median.Az-ın Ermənistan KİV-ə istinadən xəbərinə görə, bu barədə baş nazir Nikol Paşinyan jurnalistlərlə söhbətində bildirib.

"Erməni Apostol Kilsəsinə Ktriç Nersisyanın varlığından daha çox ziyan vuran heç nə yoxdur və təkcə Ana Taxtda deyil. Proses başlayıb və o, oradan getməlidir. Onun istefa verməsi və ya verməməsi kimi seçim yoxdur. O, getməlidir", - deyə Paşinyan əlavə edib.

Onun fikrincə, kilsə ətrafında yaranan səs-küy sağlamlaşdırıcı xarakter daşıyır.

"Demokratik ölkələr səs-küydən və ictimai müzakirələrdən çəkinməməlidirlər.

Mən onunla dəfələrlə danışmışam və məhz bu görüşlərdən aldığım təəssürat məni onun Ana Taxtdakı mövcudluğunun Erməni Apostol Kilsəsinə dəhşətli zərər vurduğuna inandırdı.

Mən Ktriç Nersisyanın adının səslənmədiyi mərasimlərdə iştirak edirəm. Mən liturgiyada (xütbə) iştirak etməyi planlaşdırarkən, biz xahiş edirik ki, Nersisyanı katolikos hesab etməməyimiz faktı nəzərə alınsın. Bir halda vasitəçi tanış ola bilər, digərində Milli Təhlükəsizlik Xidmətinin əməkdaşı, üçüncüsündə isə heç bir əməkdaş, dördüncüsündə qohum, beşincisində mənim köməkçim ola bilər. Bu, kimin kimi tanımasından və kiminlə şəxsi əlaqələrinin olmasından asılıdır. Burada Milli Təhlükəsizlik Xidməti və digər institutlar kiminsə kimisə nə dərəcədə tanıdığı qədər bağlıdır", - deyə Paşinyan əlavə edib.скачать dle 11.3