Paşinyan: "Azərbaycanın əsas hissəsini Naxçıvanla birləşdirəcək dəmir yolunun inşasını müzakirə edirik"

"Ermənistan və ABŞ Azərbaycanın əsas hissəsini Naxçıvanla birləşdirəcək dəmir yolunun tikintisi ilə bağlı aktiv danışıqlar aparır".

Median.Az-ın TASS-a istinadən verdiyi məlumata görə, bunu Ermənistanın Baş naziri Nikol Paşinyan bildirib.

"İndi biz ABŞ tərəfdaşlarımızla Azərbaycanın əsas hissəsini Naxçıvanla birləşdirəcək dəmir yolunun inşasını müzakirə edirik. Niyə məhz ABŞ ilə? Çünki bu, TRIPP layihəsinin ayrılmaz hissəsidir", - o qeyd edib.

Xatırladaq ki, avqustun 8-də Vaşinqtonda ABŞ Prezidenti Donald Trampla üçtərəfli görüşün yekunlarına əsasən Azərbaycan Prezidenti İlham Əliyev və Ermənistanın Baş naziri Nikol Paşinyan Bakı ilə İrəvan arasında sülh nizamlanması və Azərbaycanın əsas hissəsi ilə Naxçıvan arasında nəqliyyat kommunikasiyasının yaradılması haqqında birgə bəyannamə imzalayıblar. Bu layihəyə "Beynəlxalq Sülh və Rifah naminə Tramp Marşrutu" (TRIPP) adı verilib.скачать dle 11.3

Şahidi olduğunuz hadisələri çəkib bizə göndərin!