Bakı Şəhəri üzrə Təhsil İdarəsinin (BŞTİ) tabeliyindəki məktəbəqədər təhsil müəssisələrinə təsərrüfat müdiri vəzifəsinə işə qəbul üzrə müsabiqənin müsahibə mərhələsinin nəticələri ilə bağlı Apellyasiya komissiyası fəaliyyətə başlayacaq.
Bu barədə BŞTİ-dən məlumat verilib.
Bildirilib ki, müsahibə mərhələsində uğur qazanmayan namizədlər bu gün və sabah saat 14:30-16:30 aralığında BŞTİ-yə yaxınlaşaraq komissiyaya müraciət edə bilərlər.
Müraciət edən hər bir şəxsin şəxsiyyətini (şəxsiyyət vəsiqəsi), təhsilini və iş fəaliyyətini (olduğu təqdirdə) təsdiq edən sənədləri özü ilə gətirməsi vacibdir.
Müsahibədə iştirak etmiş şəxslərin nəticələri barədə məlumat onların qeydiyyatdan keçdikləri telefon nömrəsinə SMS vasitəsilə göndərilib.
Şahidi olduğunuz hadisələri çəkib bizə göndərin!
Son Əlavə