Litva, Estoniya və Latviyadan Rusiyaya etiraz notası

Litva, Estoniya və Latviya Xarici İşlər Nazirlikləri Kiyevə amansız hücumdan sonra bu ölkədəki Rusiya diplomatik nümayəndələrini çağırıblar.

Median.Az "Nexta"ya istinadən xəbər verir ki, Rusiyanın müvəqqəti işlər vəkili və səlahiyyətli nümayəndələrinə etiraz notaları təqdim edilib.

"Putinin Alyaskadakı görüşdə iştirakı yeni sanksiyalardan qaçmaq üçün sadəcə ikiüzlü bir vasitə idi. Amma göz qabağındadır ki, 31 raket və 598 hücum dronu ilə sülhə nail olmaq mümkün deyil", - Estoniyanın xarici işlər naziri Marqus Tsahkna bildirib.

Litva Xarici İşlər Nazirliyi xatırladıb ki, Rusiyanın sülh danışıqlarında iştirakı yalnız əlavə ərazilər üçün vaxt udmaq və yeni sanksiyalardan yayınmaq məqsədi daşıyır.