"Telegram"ın həmtəsisçisi Pavel Durov bir il əvvəl baş vermiş həbsini Fransa polisinin səhvi adlandırıb.
Bu barədə o, "Telegram" kanalında yazıb.
"Mən Fransa polisinin öz səhvi ucbatından həbs olundum. 2024-cü ilin avqust ayına qədər onlar Fransa və Aİ qanunlarına məhəl qoymadılar və tələb olunan hüquqi prosedur vasitəsilə "Telegram"a sorğu göndərmədilər", - Durov yazıb.
O vurğulayıb ki, bir il sonra ona qarşı aparılan istintaq təqsirini üzə çıxara bilməyib.
Durovun sözlərinə görə, həbsinin yeganə nəticəsi Fransanın azad ölkə imicinə xələl gətirmək olub. O həmçinin bildirib ki, həbsindən bir il sonra o, hər 14 gündən bir Fransaya qayıtmağa məcbur olur, halbuki apellyasiya iclası günü hələ təyin olunmayıb.
Xatırladaq ki, ötən il avqustun 24-də Durov Parisdəki Le Burje hava limanında həbs edilib. Qısa müddət sonra iş adamı 5 milyon avro girov müqabilində məhkəmə nəzarəti altında sərbəst buraxılıb.
Şahidi olduğunuz hadisələri çəkib bizə göndərin!
Son Əlavə