Pakistanın baş naziri Şahbaz Şərif ölkəni vuran leysan yağışlarını qiyamət günü adlandırıb.
Median.Az-ın "The Dawn" nəşrinə istinadən verdiyi xəbərə görə, bu barədə dövlət başçısı Xayber-Paxtunxva əyalətində daşqın və sürüşmə qurbanları ilə görüşündə bildirib.
"Təkcə Xayber-Paxtunxvada 350-dən çox bacı və qardaşımız həlak olub, ölkə üzrə ölənlərin sayı isə 700-ü keçib. Bu, bir növ qiyamət günüdür, - deyə baş nazir vurğulayıb.
O, 2022-ci ildə baş vermiş dağıdıcı daşqınları xatırladıb və bu faciədən dərs alınmalı olduğunu vurğulayıb. Həmin vaxt Pakistan ərazisinin üçdə biri daşqınların təsirinə məruz qalmışdı. Təxminən iki min insan təbii fəlakətin qurbanı olmuş, iqtisadi ziyan 30 milyard dollar təşkil etmişdi.
Qeyd edək ki, Pakistanda musson mövsümü adətən iyundan sentyabr ayına qədər davam edir. Sinoptiklər leysanların sentyabrın ortalarına qədər davam edəcəyini gözləyirlər.
Şahidi olduğunuz hadisələri çəkib bizə göndərin!
Son Əlavə