İçərişəhərdə səyahət avtobusları fəaliyyətə başlayıb » Median.Az - Bütün xəbərlər bir ünvanda
17:00 Spiker Milli Məclisin növbəti iclasının vaxtını açıqladı  |     16:39 Polisə soyuq silahla müqavimət göstərən şübhəli zərərsizləşdirilib  |     16:37 Bakıda küçədən qadın meyiti tapıldı  |     15:10 XİN: Qəzzaya humanitar yük aparan gəmidə saxlanılan iki Azərbaycan vətəndaşı sərbəst buraxılıb  |     14:46 Düşənbədə MDB+ formatının təsis olunması barəsində qərar qəbul olundu  |     14:41 Tacikistanın Müstəqil Dövlətlər Birliyinə sədrliyi bitir  |     14:29 "Rus Evi"nin bərpası ilə bağlı danışıqlar başladı  |     14:28 Göyçay sakini küçədə qarət olundu, iki nəfər həbs edildi  |     14:00 Ağstafada dərman verilməyən kişi özünü xəstəxananın ikinci mərtəbəsindən atdı  |     13:48 Adəm Məmmədov direktor oldu  |     13:41 Ov mövsümü açıq elan edilib  |     13:29 Türkiyədən idxal olunan məhsullarda uyğunsuzluq aşkarlanıb  |     13:18 Putin MDB sammitində Paşinyanla mübahisə etdi - VİDEO  |     12:52 Rüşvət almaqda ittiham olunan keçmiş direktorun cəzası yüngülləşdirilib  |     12:28 Rusiyanın azadlığa buraxdığı azərbaycanlının kimliyi bilindi  |     12:27 Azərbaycan Kuboku: Birinci təsnifat mərhələsinə yekun vurulur  |     12:21 Salyanda güclü yanğın olub  |     12:19 40 azərbaycanlı Almaniyadan geri qaytarıldı  |     12:17 Azərbaycana brilyant qaşların qanunsuz gətirilməsinin qarşısı alındı - FOTO  |     12:16 Naxçıvanda qanunsuz miqrasiya vədi ilə dələduzluq edən SAXLANILDI  |    

İçərişəhərdə səyahət avtobusları fəaliyyətə başlayıb

“İçərişəhər” Dövlət Tarix-Memarlıq Qoruğu ərazisində yeni nəqliyyat xidməti fəaliyyətə başlayıb.

Sakinlər və qonaqlar əsas marşrutlar üzrə rahat, ekoloji təmiz, əlverişli və sürətli hərəkət etmək üçün qolfkar-avtobuslardan istifadə edə bilərlər.

Marşrut xətti Qız Qalası qarşısından başlayaraq Qüllə küçəsi, Kiçik Qala, Vəli Məmmədov, Asəf Zeynallı və Böyük Qala küçələrindən keçir, daha sonra yenidən Qız Qalası önündə yerləşən son dayanacaqla tamamlanır. Qoruğun ən çox istifadə olunan yollarını əhatə edən bu xətt üzrə ümumilikdə 10 dayanacaq müəyyən edilib. İlkin mərhələdə iki qolfkar xəttə buraxılıb. İstifadəçi sayı artdıqca xəttə buraxılacaq nəqliyyat vasitələrinin sayı da artırılacaq.

Marşrutun planlaşdırılmasında turistik və mədəni obyektlərə yaxınlıq xüsusi nəzərə alınıb. Sərnişinlər bu nəqliyyat vasitəsindən istifadə edərək Qız Qalası, Şirvanşahlar Sarayı, Maqsud İbrahimbəyovun ev muzeyi kimi önəmli mədəni məkanlara rahatlıqla gedə bilərlər.

Qolfkar-avtobuslardan istənilən şəxs məhdudiyyətsiz şəkildə istifadə edə bilər. 10 yaşına qədər uşaqlar və yaşı 60-dan yuxarı olan sərnişinlər üçün xidmət ödənişsizdir. Digər sərnişinlər üçün qiymət 1 manatdır. İlkin olaraq iş saatları 14:00-dan 22:00-dək müəyyən edilib.

Elektriklə işləyən qolfkar-avtobuslar ətraf mühitə zərər vermir, səs-küy yaratmır, tarixi abidələrin qorunmasına uyğun ekoloji standartlara cavab verir və İçərişəhər ərazisində nəqliyyat vasitələrinin hərəkət intensivliyini azaltmağa xidmət edəcək..скачать dle 11.3




Şahidi olduğunuz hadisələri çəkib bizə göndərin!




            381 19.08.25 19:01