Ermənistan Prokurorluğu ölkənin ikinci prezidenti Robert Koçaryan, baş nazirin keçmiş müavini Armen Qevorkyan, keçmiş müdafiə naziri Seyran Ohanyan və Baş Qərargahın keçmiş rəisi Yuri Xaçaturovdan "1 mart qurbanları"na (2008-ci il prezident seçkisindən sonra) ayrılmış 670 milyon dramın (təxminən 3 milyon manata yaxın) geri alınmasını tələb edir.

Bu barədə Median.Az "Sputnik Ermənistan"a istinadən xəbər verir.

Xatırladaq ki, keçmiş prezident Robert Koçaryan, keçmiş müdafiə naziri Seyran Ohanyan, həmçinin Baş Qərargahın keçmiş rəisi Yuri Xaçaturov və baş nazirin keçmiş müavini Armen Qevorkyan konstitusiya quruluşunu devirməyə cəhddə (Ermənistan Cinayət Məcəlləsinin 300.1-ci maddəsi) ittiham olunublar. 2021-ci ilin martında Konstitusiya Məhkəməsi bu maddənin əsas qanuna uyğun olmadığını qəbul etdikdən sonra işə xitam verilsə də, proses 2024-cü ilin sentyabrında bərpa edilib.

Prokurorlar Koçaryan və Xaçaturova aid edilən hərəkətləri yenidən təsnif edib və ehtiyatsızlıq nəticəsində ağır nəticələrə səbəb olan vəzifə səlahiyyətlərini aşma ittihamını irəli sürüblər.

İttihamlar 2008-ci il martın 1-də baş vermiş hadisələrlə bağlıdır ki, o zaman prezident seçkisindən sonra Levon Ter-Petrosyanın rəhbərlik etdiyi müxalifət səsvermənin nəticələrinə qarşı etiraz aksiyaları təşkil etmişdi. Etirazlar İrəvanda iğtişaşlara çevrilmiş və nəticədə 10 nəfər ölmüşdü.скачать dle 11.3